केएमसीले बढी शुल्क लिएकाे भन्दै विद्यार्थीकाे प्रदर्शन

काठमाण्डाै – काठमाण्डाै मेडिकल कलेज (केएमसी) ले चिकित्सा शिक्षा अध्ययनका लागि सरकारले तोकेको भन्दा बढी शुल्क लिएको भन्दै विद्यार्थीहरूले प्रदर्शन गरेका छन् ।

केएमसीमा एमबीबीएस, बीडीएस र बीएनएसमा अध्ययनरत विद्यार्थीले आज बुधवार काठमाण्डाैकाे माइतीघरदेखि नयाँ बानेश्वरसम्म प्रदर्शन गरेका हुन् । विद्यार्थीहरूको आन्दोलनमा नेपाल विद्यार्थी सङ्घ, अनेरास्ववियु, नेत्रविक्रम चन्द नेतृत्वको अखिल क्रान्तिकारीले ऐक्यबद्धता जनाएका छन् ।

प्रदर्शनमा सहभागी विद्यार्थीहरुले ‘अतिरिक्त शुल्क खारेज गर’, ‘आयोगको नियम लागू गर’, ‘विद्यार्थीको भविष्य सुनिश्चित गर’ लगायतका नारा लेखिएको प्ले कार्डसहित प्रदर्शन गरेका थिए ।