वीरगञ्ज कारागारका कैदी, सुरक्षाकर्मी र कर्मचारीसहित १३ जनामा कोरोना संक्रमण

काठमाडौं । वीरगञ्ज कारागारका कैदी, सुरक्षाकर्मी र कर्मचारी गरी १३ जनामा कोरोना संक्रमण पुष्टि भएको छ ।

कारागारमा रहेका आठजना कैदिबन्दी, तीनजना सुरक्षाकर्मी र दुईजना कर्मचारीहरुमा कोरोना संक्रमण पुष्टि भएको वीरगञ्ज कारागार कार्यालयले जनाएको छ । कारागारका २२ जनाको स्वाब संकलन गरी नारायणी अस्पतालमा गरिएको पीसीआर परीक्षणमा १३ जनामा कोरोना संक्रमण पुष्टि भएको हो ।

कैदी, सुरक्षाकर्मी र कर्मचारीहरुलाई समेत कोरोना संक्रमण पुष्टि भएपछि हाल बाहिरी कारागार परिसरमै कैदी र कर्मचारीका लागि बेग्लाबेग्लै दुईवटा आइसोलेशन कक्ष तयार पारेर कारागारकै स्वास्थयकर्मीबाट उपचार तथा निगरानी सुरु गरिएको जेलर श्रवण पोखरेलले जानकारी दिए ।