कपिलवस्तु मालपोत कार्यालयका दुई खरिदार अख्तियारको फन्दामा

कपिलवस्तु
कपिलवस्तु मालपोत कार्यालयका दुई खरिदार ६ हजार घुस लिईरहेको अवस्थामा बुधवार दिउसो ३ बजे रंगेहात पक्राउ परेका छन । अख्तियार दुरुपयोग अनुसंधान आयोग बुटवलबाट खटिएको टोलीले खरिदार सुर्य प्रसाद मिश्रा र दुर्गा प्रसाद चौधरीलाई घुस रकम सहीत नियन्त्रणमा लिइको हो ।
मोही जग्गा नामसरी गरि दिने भन्दै सेवाग्रहीसंग घुस लिएको अवस्थामा कार्यालय भित्रै दुई कर्मचारीलाई नियन्त्रणमा लिईएको अख्तियार दुरुपयोग अनुसंधान आयोग बुटवलले जनाएको छ । घटनाको अनुसंधान, बयान र सोधपुछका लागि अख्तियारले ती दुई कर्मचारीलाई बुटवल स्थित कार्यालयमा लगेका छन ।