तनहुँमा जीप दुर्घटना : एकको मृत्यु, सात घाइते

काठमाडौं । तनहुँमा बोलेरो जीप दुर्घटना हुँदा एक जनाको मृत्यु भएको छ । जीपमा सवार अन्य सात जना घाइते भएका छन् । मृत्यु हुनेमा व्यास नगरपालिका– ५ का ५५ वर्षीय राजकुमार श्रेष्ठ रहेका छन् ।

चापाघाटबाट खाल्टेतर्फ जाँदै गरेको ग १ च ७१२८ नम्बरको बोलेरो रिसिङ गाउँपालिका– १ खाल्टेमा दुर्घटना भएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिनुभयो ।

दुर्घटनामा घाइते भएका केहकिो दमौली अस्पतालमा उपचार भइरहेको छ भने गम्भीर घाइते भएकालाई मणिपाल शिक्षण अस्पताल पोखरा रिफर गरिएको प्रहरीले जनाएको छ ।

आठजना यात्रु सवार जीप सडकबाट ७० मीटर तल देउली खोलाको किनारामा खसेको जिल्ला प्रहरी कार्यालय तनहुँले जनाएको छ ।

त्यस्तै, डोल्पामा जीप दुर्घटना हुँदा पाँचजना घाइते भएका छन् । घाइतेमध्ये तीनजनाको अवस्था गम्भीर रहेको प्रहरीले जानकारी दिएको छ ।