कपिलवस्तुको विजयनगरमा एक महिला मृत फेला

विजयनगर, कपिलवस्तु
कपिलवस्तुको विजयनगर गाउँपालिकामा २७ वर्षिय एक महिला मृत अवस्थामा फेला परेकी छिन् । आइतवार बिहान ११ बजे गाउँपालिकाको वडा नं. ५ नौरगिंयामा फेला परेको प्रहरीले जानकारी दिएको छ । अर्जुन यादवको कान्छी श्रीमती मृतक सिर्जना घर्ति यादव घरदेखि १ सय मिटर पछाडी ८ मिटर गहिरो खाल्टोमा मृत अवस्थामा फेला परेको इलाका प्रहरी कार्यालय गणेशपुरका प्रहरी निरिक्षक मधु नेपालले बताउनुभयो । घटना बारे थप अनुसन्धान भइरहेको प्रहरीले जनाएको छ । पोष्टमार्डमका लागि शव शिवराज अस्पताल बहादुरगञ्ज पठाइएको जनाइएको छ ।