कपिलवस्तु वाणगंगामा ३१ जना जुवाडे पक्राउ

वाणगंगा ।
कपिलवस्तुको वाणगंगामा ठूलो संख्याका जुवाडे पक्राउ परेका छन् । जुवा खेलिरहेको भन्दै सूचनाको आधारमा इलाका प्रहरी कार्यालय पिपराबाट गएको प्रहरी टोलीले जुवाका दुई खालमा गरी ३१ जना जुवाडेलाई पक्राउ गरेको हो ।

वाणगंगाको तिनैया गाउँबाट १२ जना र बैरियाबाट १९ जना गरी ३१ जना जुवाडेलाई पक्राउ गरेको प्रहरीले जनाएको छ ।

मायादेवी अनलाइनलाई प्राप्त जानकारी अनुसार तिनैयाबाट ७६ हजार र बैरियाबाट ५ लाख ४२ हजार बढीको रकम समेत जुवा खालबाट प्रहरीले बरामद गरेको छ ।

तिहारको अवसर पारेर वाणगंगा क्षेत्रमा जुवा खेलिदै आइएको छ । यद्यपि जुवातास खेल्नु कानुनी हिसाबमा अवैध मानिन्छ । अझ संगठित रुपमा खेलिने जुवालाई प्रहरीले निस्तेज पार्न विभिन्न प्रयास गर्दै आएको छ ।

जुवाखालबाट पक्राउ परेका जुवाडेलाई प्रहरीले हिरासतमा राख्छ, या छाड्छ थप विवरण आउन आएको छैन् ।

तस्बीर फाइल