दुुई निलगाई मृत भेटिए

कपिलवस्तु बैशाख १५

कपिलवस्तुको कृष्णनगर नगरपालिका ८ लोहोरौलामा एक निलगाइ मृत अवस्थामा फेला परेको छ । सोमबार दिउँसो १ बजे इलाका प्रहरी कार्यालय वहादुरगन्जको टोलिले जालमा फसेको अवस्थामा फेला परेको थियो ।

उक्त स्थानबाट दुई वटा मोटरसाइकल समेत बेवारिसे अवस्थामा फेला परेको प्रहरी नायव निरीक्षक अभय रावतले बताउनुभयो । लु २५ प ५२२९ र लु २ प २३ नम्बर मोटरसाइकल बरामद गरिएको रावतले बताउनुभयो ।

प्रहरिले मृतक निलगाइ र मोटरसाइकल डिभिजन बन कार्यालय गौतमबुद्वलाई बुझाएको छ । थप अनुसन्धान भइरहेको डिभिजन वन अधिकृत दुर्गा बहादुर कार्कीले बताउनुभयो ।

गत सोमबार महाराजगंज नगरपालिका महाराजगंज ९ जितपुरमा शिकारीहरुले गोलि हानि निलगाई मारेका थिए । स्थानीय किसानले खेत किनारमा गोली लागि मरेको अवस्थामा निलगाई देखेपछि प्रहरीलाइ खबर गरेका थिए