नवौँ राष्ट्रिय खेलकुद : राष्ट्रिय महिला भलिबलमा त्रिभुवन आर्मी क्लबको विजयी सुरुवात

म्याग्दी : म्याग्दीको सदरमुकाम बेनीमा जारी नवौँ राष्ट्रिय खेलकुद प्रतियोगिता अन्तरगत आज सम्पन्न महिला भलिबल खेलमा नेपाल आर्मीको त्रिभुवन आर्मी क्लबले विजयी सुरुवात गरेको छ।

कर्णाली प्रदेशलाई २५–१२, २५–१३ र २५–१२ मा रोक्दै त्रिभुवन आर्मीले सोझो तीन सेट आफ्नो आफ्नो पक्षमा पारेको हो। यस खेलमा लगातार तीन सेट आफ्नो पक्षमा पार्दै नेपाल आर्मीको त्रिभुवन आर्मी क्लबका खेलाडीहरु विजयी भएका छन्।

प्रतियोगितामा आर्मीका संगम महतो उत्कृष्ट खेलाडी घोषित भएकी छन्। त्यसैगरी नेपाल पुलिस क्लब, सशस्त्र प्रहरीको एपीएफ र बागमती प्रदेशले लिग चरणको खेलमा विजयी हासिल गरेका छन्। यसअघि सुदूरपश्चिमलाई सोझो सेटमा हराउँदै गण्डकी प्रदेशले समेत विजयी यात्रा सुरु गरिसकेको छ।

बेनीको खुल्ला मञ्चमा भएको तीन खेलहरूमा प्रदेश टिमको तुलनामा विभागीय टिमले उत्कृष्ट खेल प्रदर्शन गरेका छन्।