इजरायलमा मृत्यु भएका नेपालीको सम्मानमा भोलि शोक बिदा, परिवारलाई १० लाख दिइने

२२ असोज, काठमाडौँ : सरकारले इजरायलमा मृत्यु भएका नेपालीको सम्मानमा भोलि राष्ट्रिय शोकको घोषणा गरेको छ ।

आज बसेको मन्त्रिपरिषद्को विशेष बैठकले आक्रमणमा परी ज्यान गुमाएका १० जना नेपालीको सम्झनामा भोलि सार्जनिक बिदा दिने निर्णय गरेको हो ।

मन्त्रिपरिषद्को विशेष बैठकले आक्रमणमा परी ज्यान गुमाएकाको परिवारलाई राहतस्वरुप प्रतिपरिवार १० लाखराहत दिने निर्णय पनि गरेको सरकारी प्रवक्ता, सञ्चार तथा सूचना प्रविधिमन्त्री रेखा शर्माले जानकारी दिइन्।

इजरायलमा बसिरहेका अन्य नेपाल फर्किन चाहेमा पनि फर्कन सक्ने गरी व्यवस्था गरिएको उनले बताइन्।