धादिङको दुर्घटनामा १ को मृत्यु, ५ जना घाइते

२८ असोज, मलेखु : धादिङ गङ्गाजमुना गाउँपालिका–४ गुम्दीमा जीप दुर्घटना हुँदा १ जनाको मृत्यु भएको छ भने ५ जना घाइते भएका छन्।

धादिङबेँशीबाट रिगाउँको तावल जाँदै गरेको मे १ ज २६६९ नं जिप अनियन्त्रित भई दुर्घटना हुँदा गङ्गाजमुना–२ का १४ वर्षीय अनुरोध तामाङको मृत्यु भएको जिल्ला प्रहरी कार्यालय धादिङका प्रहरी उपरीक्षक गौतम मिश्रले जानकारी दिए।

उनका अनुसार दुर्घटनामा २ बालकसहित ५ जना घाइते भएका छन्। घाइतेको गुम्दी स्वास्थ्य चौकीमा उपचार भइरहेको छ।