भिजिट नेपाल २०२० को तयारीमा रहेको नेपाललाई झड्का

काठमाडौं

नेपाल अहिले भिजिट नेपाल २०२० को प्रचारमा व्यस्त रहेको छ । नेपाल प्राकृतिक रुपमा स्वर्गको एक टुक्रा भएको भन्दै विदेशीहरु एकपटक नेपालको दर्शन गर्ने रुची राख्छन् । धार्मिक रुपमा पनि उस्तै सम्पन्न नेपालमा आउँने गरेका छन् ।

अर्को तिर नेपालीहरु नपुगेका देशहरु पनि कमै होलान । तर नेपालमा पर्यटकहरुको सुरक्षाको विषय पनि चर्चा पाउँने गरेको छ । काठमाडौँ महानगरपालिका–६ बौद्ध तीनचुली डेरा गरी बस्ने ४० वर्षीय जापानी नागरिक सुमिजु तेञ्जीको रु दुई लाख लुटपाट भएको छ ।

उक्त घरभित्र पसी अपरिचित समूहले सुमिजुलाई खुकुरी प्रहार गरेर घाइते बनाई साथमा रहेको नगद लुटपाट गरेको खुल्न आएको छ । लुटपाट भएको खबर प्राप्त हुनासाथ महानगरीय प्रहरी वृत्त बौद्धबाट खटिएको प्रहरीले फरार लुटेराहरुको खोजी गरिरहेको छ । घाइते सुमिजुको नेपाल मेडिकल कलेज अत्तरखेलमा उपचार भइरहेको छ ।