कृष्णनगर नगरपालिकाले बितरण गरेको राहतमा अनियमितता, स्थानिय आक्रोशित

कपिलवस्तु

कृष्णनगर नगरपालिका वडा न. ९ ले बितरण गरेको राहतमा अनियमितता भए पछि स्थानिय आक्रोशित बनेका छन ।

बिपन्न परिवारले पाउनु पर्ने राहत सम्पत्ति भएका तथा जिबिकोपार्जनमा समस्या नभएका नागरिकले पाएको भन्दै स्थानिय आक्रोशित भई वडा न. ९ को कार्यालय घेराऊ गरेको स्थानीय श्यामलाल गुप्ताले बताएका छन ।

ढिला भए पनि राहत पाउने आसमा रहेका अतिविपन्न परिवार राहत वितरण हुदा धनी नागरिकले पाउँदा चकित परेका थिए । विपन्न परिवारका समस्या वडाध्यक्षले नसुने जस्तो गरेको स्थानिय कमलेश कहारले अाराेप लगाएका छन । वडा भित्र बितरण राहतमा राजनीति भएको आरोप स्थानियले लगाएका छन ।

मन्त्रालयले जारी गरेको कार्यविधि अनुसार राहत पाउनेको नाम लिस्ट सर्वजनिक गर्नु पर्ने तर वडाले ट्रालीमा लोड गरि नागरिक छानी छानी राहत बितरण गरेको स्थानिय अर्मित नाथ भुजको भनाई छ । स्थानियले लगाएको आरोप राहत वितरण अनियमितताको बारेमा बुझ्न खोज्दा वडा न. ९ को वडाध्यक्ष राममिलन चौधरीलाई सम्पर्क हुन सकेन।