म्यानचेस्टर सिटीले इङ्लिस प्रिमियर लिगमा शनिबार बर्नेलीविरुद्ध ५–१ को सानदार जित

काठमाडौं : म्यानचेस्टर सिटीले इङ्लिस प्रिमियर लिगमा शनिबार बर्नेलीविरुद्ध ५–१ को सानदार जित निकालेको छ।

जितसँगै ६ खेलमा १० अंक जोडेको सिटी छैटौं स्थानमा छ। पराजित बर्नेली समान खेलबाट समान खेलबाट चार अंकका साथ १७औं स्थानमा छ।

इतिहाद रंगशालामा घरेलु टोली सिटीलाई जितत दिलाउन एर्लिङ हालान्डले दुई र म्याथ्युज नुनेजले एक गोल गर्दा दुई गोल आत्मघाती उपहारस्वरुप प्राप्त भयो। बर्नेलीका लागि जैडन एन्थोनलीले एक गोल फर्काए।

खेलको १२औं मिनेटमा म्याक्सिम एस्टेभबाट अत्मघाती गोल हुन पुग्दा सिटीले अग्रता लिएको थियो। ३८औं मिनेटमा एन्थोलीले बर्नेलीलाई बराबरीमा ल्याए।

नुनेजले ६१औं मिनेटमा गोल गर्दा सिटी २–१ ले अगाडि बढ्यो। सात मिनेटपछि नै एस्टेभबाट दोस्रो पटक आत्मघाती गोल हुन पुग्दा सिटीको अग्रता ३–१ मा पुग्यो।

हालान्डले ९०औं मिनेट र इन्जुरी समयमा गोल गर्दै सिटीलाई ५–१ को सानदार जित दिलाए।

शनिबारै सम्पन्न अन्य खेलमा ब्रेन्टफोर्डले म्यानचेस्टर युनाइटेड तथा ब्राइटनले चेल्सीलाई समान ३–१, क्रिस्टल प्यालेसले लिभरपुललाई २–१ ले हरायो।

सान्डरल्यान्डले नटिङघम फरेस्टलाई १–० ले पराजित गरेको छ। यसैगरी टोटनहम र उभरह्याम्पटनले १–१ तथा लिड्स युनाइटेड र बर्नमाउथले २–२ को बराबरी खेले। थाहा खबर