राजदेवीमा बोकाबली सुरु, १ मिनेटमा १२० बोका काटिँदै

जनकपुरधाम

जनकपुरको प्रसिद्ध शक्तिपीठ राजदेवी मन्दिरमा बोकाबली कार्यक्रम सुरु भएको छ ।

प्रत्येक बर्ष अष्टमी तिथीको दिन साँझदेखि हुँदै आएको बोकाबली विधिवत रुपमा शनिबार साँझ ७ः०० बजेदेखि सुरु भएको हो । आयोजक महावीर युवा कमिटिले आयोजना गरेको बोकाबली कार्यक्रममा अहिले ४ वटा ठेहा चलिरहेको छ ।

प्रत्येक ठेहामा एक मिनेटमा औसत ३० देखि ३५ वटासम्म बोका बली दिइरहेको महावीर युवा कमिटिले जनाएको छ । ४ वटा ठेहामा औसत १ सय २० वटा बोकाको बली प्रदान भईरहेको जनाईएको छ ।

बोकाबली ७ बजेबाट सुरु भई राती १० बजेसम्म मात्र गरिने कार्यक्रम रहेको छ भने बोकाको सँख्या हेरी बली प्रदान कार्यक्रमको अवधी बढाउन सकिने आयोजक समितिले जनाएको छ ।

बोकाबलीको लागि प्रत्येक बोकाको २०० रुपैयाँ तोकिएको हो । सो रकम बोकाको टाउको वापत तोकिएको जनाईएको छ ।