कृष्णनगर न.पा. ७ मा विपन्न परिवारलाई राहत वितरण सुरु

कृष्ण कुमार यादव

कपिलवस्तु , ७ बैशाख

कपिलवस्तु जिल्ला को कृष्णानगर नगरपालिक वार्ड न.७ अजिगरा मा राहत बितरण कार्य सुरु भएको छ ।

गरिब , विपन्न , मजदुर वर्ग का व्यक्तिहरुको तथ्यङ संकलन गरि त्यस भित्र परेको घर परिवारलाई राहत वितरण कार्य गरिएको वडाध्यक्ष राज किशोर यादवले जानकारी गराएका छन ।

राहत मा ३० केजी चामल, ३ केजी दाल,२ केजी नुन,२ केजी चिनी , २ केजी खाने तेल ,३०० ग्राम साबुन बितरण गर्ने गरिएको छ ।

२६३ विपन्न परिवारलाई वडाले राहत वितरण गर्ने योजना रहे पनि आज १४५ विपन्न परिवारलाई राहत बितरण गरिएको वडाध्यक्ष यादवले जनाएका छन ।

राहत वितरण कार्यक्रम मा वडा अध्यक्ष राज किशोर यादव , वडा सदस्य सत्य भामा चौधरी , दिप कुमार यादव , जसमती धोबी ,वडा सचिव राम मुरत चौधरी र सबै पार्टीका प्रतिनिधिहरुको उपस्थितिमा राहत वितरण गरिएको छ ।