यस्तो छ आजको मौसम

काठमाडौं : मंगलबार पहाडी भू–भागमा मौसम आंशिक बदली रहेको छ। बाँकी स्थानमा मौसम मौसम सामान्यतया सफा रहेको मौसमविद् गंगा नगरकोटीले जानकारी दिइन्।

तराई-मधेशका जिल्लामा भने बिहानैदेखि हुस्सु र कुहिरो लागेको छ। तर घाम लागेपछि यो हट्दै जानेछ। केही समययता चिसो बढेकाले यसबाट बच्न विशेषगरी बिहान र बेलुकी विशेष ध्यान दिन मौसमविदले सुझाव दिएका छन्।

दिउँसो प्रदेश–१ र गण्डकी प्रदेशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने मौसमविद् नगरकोटीले बताइन्।

बिहान काठमाडौंको न्यूनतम तापक्रम ७.२ डिग्री सेल्सियस मापन भएको मौसम पूर्वानुमान महाशाखाले जनाएको छ।