नेदरल्याण्ड्ससँग नेपाल १० विकेटले पराजित, महिला क्रिकेट टोलीको पाँचौ हार!

काठमाडौं : त्रिकोणात्मक महिला टी-२० सिरिज अन्तर्गत नेपालले पाँचौ हार व्यहोरेको छ। आज भएको खेलमा नेदरल्यान्ड्ससँग नेपाल १० विकेटले पराजित भएको हो।

१४६ रनको लक्ष्य पछ्याएको नेदरल्याण्ड्सले बिना विकेट १९. ४ ओभरमा १५१ रन बनाएपछि नेपाल पुन पराजित भएको हो।

पूजा महतोको अविजित ६२ रनको मद्दतले नेपालले पूरा ओभर खेल्दै ४ विकेट गुमाएर १४५ रन बनाएको थियो। नेपालका लागि महतोको ६२ रन सँगै वर्माले ३९, रुविना क्षेत्रीले २०, सम्झना खड्का ६, ममता चौधरी १ र कविता जोशी ७ रनमा अविजित रहिन्।

यसअघि नेपालले नेदरल्यान्ड्ससँग २० र १५ रन तथा थाइल्यान्डसँग चार विकेट र पाँच रनको हार बेहोरेको थियो।