अमेरिकी सिनेट गृह सुरक्षा विभागको बजेट विधेयक अघि बढाउन असफल

अमेरिकी सिनेट गृह सुरक्षा विभागको बजेट विधेयक अघि बढाउन असफल, आंशिक सरकारी कामकाज बन्द हुने खतरा
अमेरिकी सिनेटले बिहीवार गृह सुरक्षा विभागको लागि बजेट विधेयक अघि बढाउन सकेन। जसका कारण विभागको अस्थायी बजेट शुक्रवार समाप्त भएसँगै आंशिक सरकारी कामकाज बन्द हुने सम्भावना बढेको छ।यस प्रक्रियागत मतदानमा ५२–४७ मत प्राप्त भयो। जुन विधेयक अघि बढाउन आवश्यक ६० मतको सीमाभन्दा कम हो। मिनियापोलिस शहरमा संघीय कानून प्रवर्तन अधिकारीहरूद्वारा दुई जनाको गोली हानी हत्या भएपछि ह्वाइट हाउस र कङ्ग्रेसका डेमोक्र्याटहरू बीच आप्रवासन प्रवर्तन नियमहरूमा सहमति हुन नसक्दा यो विधायी अवरोध सिर्जना भएको हो।मिनियापोलिसमा संघीय सुरक्षाकर्मीद्वारा दुई अमेरिकी नागरिक – रेनी गुड र एलेक्स प्रेटी – को गोली हानी हत्या भएपछि डेमोक्र्याटहरूले आप्रवासन एजेन्सीहरूको कार्यशैलीमा परिवर्तनको माग गरिरहेका छन्।कङ्ग्रेसले हालै बाँकी आर्थिक वर्षका लागि धेरै अमेरिकी संघीय एजेन्सीहरूलाई कोष उपलब्ध गराउन बजेट प्याकेज पारित गरेको थियो। तर डिएचएसले भने हालको बजेट स्तरमा केवल दुई हप्ताको लागि मात्र निरन्तरताको प्रश्ताव प्राप्त गरेको छ। थाहा खबर