नाइजेरिया : अपहरणमा परेका सयाैँ छात्रा रिहा

काठमाण्डाै – नाइजेरियाको एक विद्यालयबाट अपहरणमा परेका झण्डै तीन सय छात्रा  रिहा भएका छन् । 

त्यहाँको प्रहरीका अनुसार शुक्रबार एक बन्दुकधारीको समूहले जाम्फारा राज्यमा रहेको एक विद्यालयबाट छात्राको अपहरण गर्दै नजिकको जङ्गलमा लिएर गएका थिए ।

जाम्फारा राज्यका गभर्नर बेले मटावाले ट्वीट गर्दै भन्नुभएको छ, ‘अपहरणमा परेका छात्राहरूलाई रिहा गरिएको घोषणा गर्न पाउँदा मलाई निकै खुसी भइरहेको छ ।’

अधिकारीहरूले कुल दुई सय ७९ छात्रालाई रिहा गरिएको र यसअघि प्रहरीले अपहरणमा परेको छात्राको सङ्ख्या तीन सय १७ बताए पनि त्यो सही नभएको बताएका छन् । 

केही छात्रा अपहरणमा परेपछि भाग्न सफल भएका कारण सङ्ख्यामा गडबडी भएको एक अधिकारीले बताएका छन् । 

सरकार र अपहरणकर्ताबीच भएको कुराकानीपछि छात्राहरुको रिहाइ सम्भव भएको एक अधिकारीले बताएका बीबीसीमा उल्लेख छ ।

नाइजेरियामा हतियारधारी समूहले फिरौतीकै लागि अपहरण गर्दै आएका छन् । 

गएको डिसेम्बरमा नाइजेरियाको कत्सिना राज्यमा बन्दुकधारीले तीन सयभन्दा धेरै छात्रको अपहरण गरेका थिए, छलफलपछि अपहरणमा परेका छात्रलाई रिहा गरिएको थियो ।   

थप सामाग्री

स्वास्थ्य सेवा : नगरमा बाणगंगा, गाउँपालिकामा विजयनगर प्रथम

कपिलवस्तुमा तिन छठ्ठी पर्व मनाइँदै

सुन र चाँदीको मूल्यमा गिरावट

थप सामाग्री
अवरुद्ध राजमार्गको दबाब व्यवस्थापन गर्दै मकवानपुर प्रहरी
भदौ १७, २०८३

मकवानपुर : हेटौंडा–काठमाडौं सडकखण्डमा यतिबेला सवारीको चाप मात्रै छैन। यात्रुको अधैर्य र अत्यावश्यक सेवाको दबाब पनि उत्तिकै छ। त्रिशूली नदीमा…

नागढुंगा-नौबिसे सडक खण्ड भासियो
भदौ १७, २०८३
सङ्घीय संसद्, प्रतिनिधिसभाको बैठक आज १ बजे बस्दै
भदौ १७, २०८३
कांग्रेस इतर समूहको बैठक आज, १५ औँ महाधिवेशनको छुट्टै तालिका ल्याउने
भदौ १७, २०८३

Recent Posts

TOP