“नोन मिर्चक चटनी“ थारु गीतबाट झनै उर्जा गायक खेम चौधरी ।।

राम अवतार चौधरी
कपिलवस्तु, १३ माघ ।

थारु समुदाय हरेक क्षेत्रमा पछि परेका समुदायबाट अछुतो छैन् । तर कलाकारीता क्षेत्र पनि त्यही समुदायको आवाज बुलन्द गर्ने निकै बलियो माध्यम रहेको मानिन्छ ।

सो सामुदायको जुन गतिमा विकास हुनुपर्ने त्यतिमात्रमा हुन नसके पनि स्थान लिएकै मान्नु पर्छ ।
यसैबीच बाणगंगा नगरपालिका–११, बैरिया निवासी लगभग डेढ दशक अन्तरालमा करिब २ दर्जनभन्दा बढि थारु र नेपाली गीत निकाल्न गायक खेम चौधरी सफल भएका छन् ।

हालचालै थारु भाषाको “नोन मिर्चक चटनी“ र “बन दिदी“ बोलको सुमधुर सांगितीक आवाजले गायक चौधरीलाई झनै उर्जा थपेको उनले बताए ।

उनको आफ्नै युटूव च्यानल खेम चौधरीबाट एक साताको अन्तरालमा यी दुबै गीत सार्वजनिक भएको हो । सार्वजनिक भए लग्त्तै छोटो समयमा निकै हिट हुन सफल भएको युटूवमा हेर्न सकिन्छ ।

गायक चौधरीको श्रीमती सहित ५ जनाको एक समान्य परिवारका सुमधुर स्वरका धनी होनहार कलाकार मात्रै नभएर व्यापारी पनि हुन् । दाङको लमही बजारमा उनको सिलाई सामाग्री पसल रहेको चौधरीले जनाए । यस्तै आफ्नो दैनिक कार्य बेस्तताका बाबजुद पनि थारु समुदायलाई कलाकारिताको माध्यमबाट योगदान र्पुयाउँदै आएका छन् ।

यसै त भनिन्छ “कलाकार देशको गहना हुन्“ । त्यसैगरी नै विशेषगरी थारु समुदायको सुपर हिरो नै मान्नु पर्छ गायक चौधरीलाई । उनले थारु समुदायलाई अगाडी बढाउन संगित मार्फत योगदान पुर्याई सकिएको बताइएको छ ।