अफगानिस्तानमा महिलालाई थप बन्देजमा राख्दै तालिबान

काठमाण्डाै – तालिबानले अब महिलालाई टेलिश्रृङ्खला र नाटकमा अभिनय गर्न नपाउने नियम बनाएको छ । अफगानिस्तानमा तालिबान सरकारले महिलामाथिको प्रतिबन्ध विस्तार गर्दै यस्तो नियम ल्याएको हो।

यस्तै पत्रकार महिला तथा समाचार वा अन्य कार्यक्रम प्रस्तोतालाई पनि टेलिभिजनमा प्रस्तुत हुँदा अनिवार्य रुपमा टाउको छोप्ने कपडा लगाउनु पर्ने नियम बनाएको बीबीसीले जनाएको छ ।

गएको अगस्टमा अफगानिस्तानको सत्ता नियन्त्रणमा लिएको तालिबानले सुरुमा महिलाको स्वतन्त्रता र अधिकारको रक्षा गर्ने बताएको थियो । तर अहिले एकपछि अर्को गर्दै तालिबानले महिला लक्षित कडा प्रतिबन्धात्मक नियम लागू गरिरहेको छ ।

अफगानिस्तानबाट अमेरिकी सैनिक फर्किएसँगै इस्लामिक विद्रोही समूह तालिबानले अफगानिस्तानलाई नियन्त्रणमा लिएको थियो।