खैरो हिरोइनसहित दुई जना पक्राउ

कञ्चनपुर : बेलौरी नगरपालिका-६ रिछाहाबाट प्रहरीले आज दुई जनालाई लागुपदार्थ खैरो हिरोइनसहित पक्राउ गरेको छ।

जिल्ला प्रहरी कार्यालय कञ्चनपुरका सूचना अधिकारी प्रहरी निरीक्षक लालबहादुर बमका अनुसार पक्राउ पर्नेमा कैलालीको धनगढी उप-महानगरपालिका-२ का वर्ष २६ का दिपक बिष्ट र वर्ष ३१ का गोपी विकलाई इलाका प्रहरी कार्यालय बेलौरीबाट प्रहरी सहायक निरीक्षक शंकर कुवँरको कमाण्डामा रहेको टोलीले पक्राउ गरेको हो।

पक्राउ परेकामध्ये गोपीले सेतो प्लाष्टिकमा ४ दशमलव ११ ग्राम खैरो हिरोइन मुखभित्र लुकाई राखेको अबस्थामा प्रहरीले फेला पारेको छ। दुवै जनाले चढेको से ६ प ३४५४ नम्बरको मोटरसाकईल समेत प्रहरीले नियन्त्रणमा लिएको छ। मोटरसाइकलसहित पक्राउ परेका दुवै जनामाथि प्रहरीले आवश्यक अनुसन्धान गरिरहेको जनाएको छ।