नीलगाई काटेर मासु भागबण्डा लगाउने तीन पक्राउ

जानु पाण्डे, कपिलवस्तु । कपिलवस्तुको यशोधरा गाउँपालिका –८ सिंहखोरमा वन्यजन्तु मारेर भाग लगाउँदै गरेको अवस्थामा तीन जना पक्राउ परेका छन् ।

शुक्रबार बाणगङ्गा नदीको बगरमा २५ किलो गाईको मासुसहित पक्राउ परेको जिल्ला प्रहरी कार्यालय कपिलवस्तुले जनाएको छ ।

पक्राउ पर्नेमा स्थानीय जमिल अहमद चौधरी, कपिलवस्तु नगरपालिका –२, पडेरियाका मोहम्द इमरान र नसुल्ला मुसलमान छन् । उनीहरूलाई प्रहरी चौकी मर्यादापुरका वरिष्ठ सई गगन शाहीको कमाण्डमा गएको टोलीले पक्राउ गरेको थियो ।