पञ्चा सिंह नेतृत्वको संगठन आधिकारिक : माओवादी

काठमाडौँ : नेकपा माओवादी केन्द्रले पञ्चा सिंह नेतृत्वको अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी) आफ्नो आधिकारिक भ्रातृ संगठन भएको बताएको छ।

माओवादी केन्द्रका महासचिव देवप्रसाद गुरुङले त्रिभुवन विश्वविद्यालय सहित सबै विश्वविद्यालयलाई पत्र पठाउँदै सिंह नेतृत्वको संगठन आधिकारिक भएको बताएका हुन्।

आफ्नो विद्यार्थी संगठनको जस्तो नाम भएका अरू थुप्रै संगठन र समानान्तर कमिटी पनि भनेर भ्रम सिर्जना भएकाले स्वतन्त्र विद्यार्थी यूनियन (स्ववियू)को चुनावका लागि माओवादीले पत्र पठाएको हो।