प्यूठानमा आज बिहान थप ४७ जनामा कोरोना भाइरसको संक्रमण पुष्टि

प्यूठान । प्यूठानमा आज बिहान थप ४७ जनामा कोरोना भाइरसको संक्रमण पुष्टि भएको छ ।

प्रदेश जनस्वास्थ्य प्रयोगशाला भैरहवामा गरिएको परीक्षणमा प्यूठानका ४७ जनामा कोरोना संक्रमण पुष्टि भएको स्वास्थ्य कार्यालय प्यूठानले जानकारी दिएको छ ।

स्वास्थ्य कार्यालय प्यूठानका अनुसार माण्डवी गाउँपालिकाका ३७ जना, झिमरुका ७ जना र नौबहिनी गाउँपालिकाका ३ जना रहेका छन् । आज भेटिएकामध्ये ४४ जना पुरुष र ३ जना महिला रहेका छन् ।

उनीहरु १८ देखि ६० वर्षसम्म उमेरका रहेका छन् । योसँगै प्यूठानमा कोरोना संक्रमितको संख्या २ सय ५८ पुगेको छ भने २ जना निको भएर घर फर्किएका छन् ।