गण्डकी प्रदेशमा शनिबार ३२ संक्रमित थपिए

पोखरा । गण्डकी प्रदेशमा शनिबार थप ३२ जनामा कोरोना पोजेटिभ पुष्टि भएको छ ।

गण्डकी प्रदेशको स्वास्थ्य निर्देशनालयले दिएको अपडेट अनुसार प्रदेश क्षयरोग केन्द्र पोखरा, राप्ती स्वास्थ्य बिज्ञान प्रतिष्ठान, दाङ र राष्ट्रिय जनस्वास्थ्य प्रयोगशाला, काठमाडौँ गरिएको परिक्षणमा थप ३२ जनामा कोरोना पुष्टि भएको हो ।

नयाँ संक्रमितहरुमा बाग्लुङका ८ जना रहेका छन् । जसमा ढोरपाटन नगरपालिकाका एक जना, काठेखोला गाउँपालिकाका ७ जना रहेका छन् ।

त्यस्तै स्याङजाका २२ जना रहेका छन् । जसमा पुतलीबजार नगरपालिकाका एक जना, विरुवा गाउँपालिकाका एक जना, अर्जुनचौपारी गाउँपालिकाका १८ जना रहेका छन् । त्यस्तै वालीङ नगरपालिकाका एक जना रहेका छन् ।

त्यसैगरि नवलपरासी पूर्वका २ जना रहेका छन् । उनीहरु हुप्सेकोट गाउँपालिकाका रहेका छन् ।

योसँगै गण्डकी प्रदेशमा कोरोना संक्रमितको संख्या ८३८ पुगेको छ ।