अध्यादेशले लगानीको वातावरणलाई सहज बनाएको छ : मन्त्री पाण्डे

काठमाडौँ : संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले सरकारले ल्याएको अध्यादेशले लगानीको वातावरणलाई सहज बनाएको बताएका छन्।

शनिवार बागलुङमा इला कम्फोर्ट होटलको शुभारम्भ गर्दै उनले यस्तो बताएका हुन्। उनले निजी क्षेत्रलाई आकर्षित नगरी देश बन्न नसक्ने बताउँदै उहाँले पुँजीपतिहरूलाई गलत भाष्यद्वारा नराम्रो बनाइएको बताए। धनी मानिसलाई लगानी गर्नका लागि वातावरण दिनुपर्ने र सरकारले अहिले लगानी सहजताका लागि काम गरिरहेको बताए।

मन्त्री पाण्डेले काँग्रेस र एमाले दुई ठूला एक ठाउँमा आएका वेला लगानी ढुक्क भएर गर्न आग्रह गरे। अस्थिर राजनीतिका कारण धेरै पछौटेपन भोग्नुपरेकाले मजबुत सहकार्य गरेर अघि बढिरहेको बताए। सरकार सुशासनको प्रत्याभूति दिने, राजनीतिक स्थिरता, लगानी भित्र्याउने वातावरण बनाउने दिशामा अघि बढिरहेको बताए।

मन्त्री पाण्डेले भने, ‘अध्यादेशले लगानीको वातावरणलाई सहज बनाउनेछ। निजी क्षेत्रलाई हामीले आकर्षित नगरीकन कुनै उपाय छैन। हाम्रो देशको गलत भाष्य भनेको, लगानीकर्ता भनेको, पुँजीपति भनेको पुँजी लगानीका लागि हिम्मत, आँट र प्रयत्न गर्नेहरूकाप्रति केही नकारात्मक भाष्य बनेको थियो, यसलाई हामी चिर्दै जानेछौँ। धनी मानिसलाई लगानी गर्नका लागि वातावरण दिनुपर्छ। दियो भने मात्रै त्यो देश धनी हुन्छ। धनीलाई पुँजी लगानी गर्ने वातावरण दिने हो।’

कार्यक्रममा बोल्दै नेपाली काँग्रेसका सांसद जीवन परियारले अहिले सरकारले ल्याएका अध्यादेश निजी क्षेत्रलाई प्रवर्धन गर्ने गरी आएको बताए। उनले उद्यम व्यवसायलाई सरकारले सफल बनाउने गरी अध्यादेश ल्याएको बताए।

बागलुङमा सञ्चालनमा आएको इला कम्फोर्ट होटलमा काली गण्डकी करिडोर तथा मध्य पहाडी लोकमार्ग हुँदै गण्डकी क्षेत्र तथा बागलुङका पर्यटकीय स्थल भ्रमण गर्ने पर्यटक तथा अन्य पाहुनाका लागि गुणस्तरीय सेवा सुविधा उपलब्ध हुने आइएमई ग्रुपको भनाइ छ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…