श्रमजीवी पत्रकारसम्बन्धी ऐन परिमार्जन गराएरै छाड्छु : मन्त्री गुरुङ

काठमाडौं : सञ्चार तथा सूचना प्रविधिमन्त्री पृथ्बीसुब्बा गुरुङले ‘श्रमजीवी पत्रकारसम्बन्धी ऐन, २०५१ समयानुकूल परिमार्जन गर्ने प्रतिबद्धता व्यक्त गरेका छन्।

सोमबार न्यूनतम पारिश्रमिक निर्धारण समितिले काठमाडौंमा आयोजना गरेको अन्तरक्रिया कार्यक्रममा बोल्दै मन्त्री गुरुङले यस्तो बताएका हुन्। उनले ऐन संशोधन गर्न अझै केही समय लाग्ने उल्लेख गर्दै विद्यमान ऐन कार्यान्वयन गर्नुपर्नेसमेत बताए।

उनले ठूला प्रकाशन गृहको कारण ऐन कार्यान्वयनमा समस्या भएको बताए। उनले ऐन कार्यान्वयमा देखिएका समस्याहरुको समाधान गर्दै सुधार गर्नसमेत जरुरी रहेको बताए।

उनले बन्न बाँकी ऐन र कानुनहरु फास्ट ट्र्याकबाट बनाउने दलहरुबीच सहमति भएको बताए। उनले लामो समयदेखि थन्किएर बसेका विधेयकहरुलाई कानुनको रुप दिन लागिपरेको समेत बताए।

उनले भने, ‘श्रमजीवी पत्रकारसम्बन्धी ऐन, २०५१ संशोधन गर्छौं। यो प्रतिवद्धता जनाउन चाहन्छौँ। बहुदल पनि नआएको गणतन्त्र पनि नआएको हाम्रै मन्त्रालय छ। त्यसकारण ऐन संशोधनको प्रक्रियामा लाग्छौँ हामी। ठूला प्रकाशन एवं सञ्चार गृहहरुका कारण यो कार्यान्वयन नभएको हो नि। तत्काल यो ऐन कार्यान्वयनमा कहाँ कहाँ समस्या छ। त्यसको पहिचान गरेर सुधार गर्नुपर्छ। त्यो कार्यान्वयन गर्ने कुरामा पनि मन्त्रालय तयार छ।’

उनले सञ्चार क्षेत्रको सुधारका लागि आवश्यक काम गर्ने मन्त्रालय तयार रहेको बताए। सञ्चार कर्ममा रहेका पत्रकारहरुले समेत मर्यादित भएर काम गर्नुपर्नेमा उनको जोड छ।

थाहा खबर

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…