नेपालमा कोरोना सङ्क्रमितको सङ्ख्या १६ हजार ४ सय नाघ्यो

नेपालमा कोरोना सङ्क्रमितको सङ्ख्या १६ हजार ४ सय नाघेको छ । पछिल्लो २४ घन्टामा थप २ सय ५५ जनामा कोरोना भाइरसको सङ्क्रमण पुष्टि भएसँगै नेपालमा कोरोना सङ्क्रमितको सङ्ख्या १६ हजार ४ सय २३ पुगेको हो ।

स्वास्थ्य तथा जनसंख्या मन्त्रालयले पछिल्लो २४ घन्टामा थप २ सय ५३ जना कोरोना सङ्क्रमित निको भएको बताएको छ ।

स्वास्थ्य तथा जनसंख्या मन्त्रालयले कोभिड–१९ सम्बन्धी नियमित जानकारी दिने क्रममा पछिल्लो २४ घन्टामा थप २ सय ५३ जना कोरोना सङ्क्रमित निको भएको बताएको छ ।

मन्त्रालयका प्रवक्ता डा. जागेश्वर गौतमले नेपालमा हालसम्म कोरोना भाइरसको सङ्क्रमणबाट निको हुनेको संख्या ७ हजार ७ सय ५२ पुगेको बताउनुभयो । उहाँले हालसम्म नेपालका विभिन्न स्थानमा गरि ८ हजार ६ सय ३६ जना आइसोलेसनमा रहेको पनि जानकारी दिनुभयो ।

यस्तै हालसम्म नेपालका विभिन्न स्थानमा क्वारेन्टाइनमा २५ हजार ४० जना रहेका छन् । पछिल्लो २४ घन्टामा ४ हजार ६ सय ९६ वटा पिसिआर परीक्षण गरिएको छ ।

नेपालमा हालसम्म कोरोना भाइरस सङ्क्रमणका कारण मृत्यु हुनेको संख्या ३५ पुगेको छ । पछिल्लो २४ घन्टामा भने कसैको पनि कोरोना सङ्क्रमका कारण मृत्यु भएको छैन ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…