सरकार ‘शुभकामना’ दिन पनि योग्य छैन : पूर्वमुख्यमन्त्री राई

विराटनगर : सरकार ‘शुभकामना’ दिन पनि योग्य नभएको भन्दै एकीकृत समाजवादी संसदीय दलका नेता राजेन्द्र राईले असन्तुष्टि व्यक्त गरेका छन्।

पूर्व मुख्यमन्त्री समेत रहेका राईले प्रदेशसभामा जारी बर्खे अधिवेशनको क्रममा बोल्दै पटक–पटक आवाज उठाउँदा पनि प्रभाव नपरेको भन्दै सरकार जवाफदेही हुनुपर्ने बताए।

राईले भने, “धेरै पटक बलियो बोलेर केही हुन्छ जस्तो लागेको छैन। आफ्नै इज्जत जोगाउन पनि अब नबोल्नुपर्ने स्थिति आएको छ।” उनले वर्तमान सरकार ‘शुभकामना’का लागि पनि लायक नरहेको भन्दै आलोचना गरे।

सांसद राईका अनुसार अघिल्लो अधिवेशनमा टुंग्याउने भनिएको योजनाको नियमावली अझै बनेको छैन। उनले थपे, “तीन वर्षसम्म नियमावली नबनाई सांसदलाई सजिलो पार्ने भनेर सभामा जान नमिल्ने अवस्था बनाइएको छ।”

रातो किताबमा परेको सार्वभौमिक बहुवर्षे योजना आफ्नै क्षेत्रमा टुक्रे बनाएर, कोटेशनमा लगेर कार्यान्वयन गरिएको समेत बताए।

राईले ठेक्का प्रक्रिया र विपक्षलाई बेवास्ता गर्दै गरिएको योजनाको कार्यान्वयनप्रति पनि आपत्ति जनाए। “बहुवर्षीय स्रोत सुनिश्चितताको योजना बनाउन एक वर्ष लाग्छ भने सरकारले काम के गर्छ?”‚ उनले प्रश्न गरे।

जननिर्वाचित नआएको योजना आयोगको भूमिका र योजनामा गरिएको ठाडो नियुक्तिप्रति पनि उनले आलोचना गरे। साथै लगानी सम्मेलन राम्रो भए पनि ‘धेरै हल्ला नगर्नु, यही फाइनल सम्झौता हो भने ढर्रा नगर्नु’ भन्दै सरकारलाई चेतावनी दिएका छन्। थाहा खबर

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…