रवि लामिछानेको रिटमाथि सुनुवाइ सकियो, आदेशको तयारी

काठमाडौँ : राष्ट्रिय स्वतन्त्र पार्टी (रास्वपा)का सभापति रवि लामिछानेको बन्दी प्रत्यक्षीकरण रिटमाथि सुनुवाइ सकिएको छ।

न्यायाधीशद्वय नहकुल सुवेदी र बालकृष्ण ढकालको संयुक्त इजलासमा केहीबेर अघि सुनुवाइ सकिएकाले आदेश लेखन भइरहेको अदालतका सहायक प्रवक्ता निराजन पाण्डेले थाहाखबरलाई जानकारी दिए। उनका अनुसार आजै आदेश हुनेगरी तयारी भइरहेको छ।

लामिछानेसँगै सहकारी ठगी मुद्दामा नेपाल प्रहरीका पूर्वडीआइजी छविलाल जोशीको रिटमा पनि सोही इजलासमा सुनुवाइ भएको थियो।

आज जाहेरवालाका तर्फबाट वरिष्ठ अधिवक्ता सुरेन्द्र भण्डारी र दिनेश त्रिपाठी तथा अधिवक्ता रामचन्द्र ‘आरसी’ गौतमले बहस गरेका थिए।

जाहेरवालाका कानुन व्यवसायीको बहसपछि वरिष्ठ अधिवक्ताहरु सुशीलकुमार पन्त र रमनकुमार श्रेष्ठले लामिछाने तथा सतिषकृष्ण खरेलले जोशीका तर्फबाट जवाफी बहस गरेका थिए।

उक्त रिटमाथि हिजो बहस नसकिएपछि आजका लागि हेर्दाहेर्दैमा राखिएको थियो। बुटवलको सुप्रिम सहकारी ठगीको अभियोगमा लामिछाने र जोशी रुपन्देही कारागारमा पुर्पक्षका लागि थुनामा छन्। थाहा खबर

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…