पौडी खेल्ने क्रममा खोलामा डुबेर दुई बालकको मृत्यु

इटहरी : सुननरीको जब्दीस्थित मुरा खोलामा पौडी खेल्ने क्रममा शनिबार दुई बालकको मृत्यु भएको छ।

जिल्ला प्रहरी कार्यालयका प्रवक्ता योगेन्द्र खतिवडाका अनुसार इटहरी उपमहानगरपालिका-१६ का नौ वर्षीय युनिस खत्री र इटहरी–५ का ११ वर्षीय हेमबहादुर परियारको मृत्यु भएको हो।

डुबेको खबर पाउनासाथ इलाका प्रहरी कार्यालय पकलीबाट प्रहरी निरीक्षक लेखनाथ दाहालको नेतृत्वमा प्रहरी टोली त्यहाँ पुगेको थियो। प्रहरीले उनीहरूलाई निकालेर सान्वी सिटी अस्पताल इटहरी पुर्‍याएको थियो।

अस्पतालले शनिबार दिउँसो दुवै बालकलाई मृत घोषणा गरेको प्रहरीले जनाएको छ। दुवैजनाको शव परीक्षणका लागि बीपी कोइराला स्वास्थ्य विज्ञान प्रतिष्ठान धरानमा राखिएको छ। थाहा खबर

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…