त्रिविको कानुनमा रहेका त्रुटी सच्याउन माग

काठमाडौं : नेकपा एमाले युवा विद्यार्थी विशेष जिल्ला कमिटी सचिवालय सदस्य धर्मराज तिमिल्सीनाले त्रिभुवन विश्वविद्यालय(त्रिवि)को कानुनमा रहेका त्रुटीहरू सच्याउन माग गरेको छन्। उक्त माग गर्दै हिजो(आइतबार)त्रिवि उपकुलपति प्राडा दीपक अर्याललाई उनले ध्यानाकर्षण पत्र बुझाएका हुन्।

त्रिविले त्रिभुवन विश्वविद्यालय सङ्गठन तथा शैक्षिक प्रशासन नियम २०५० मा अघिल्लो संशोधनहरू नै गायब पारेर नियमावली प्रकाशित गरिएको उनको भनाइ छ।

‘यसका साथै त्रिभुवन विश्वविद्यालय शिक्षक कर्मचारी सेवा सम्बन्धी नियम २०५० मा महिलालाई २३ प्रतिशत आरक्षण नभई ३३ प्रतिशत हुनुपर्ने माग राखेको छु,’उनले भने,‘स्ववियुमा विद्यार्थी संगठनको चुनाव चिन्ह लिई निर्वाचित भइसकेपछि संगठनको हित विपरीत कार्य गर्दा वा अनियमितता वा भ्रष्टाचारजन्य कार्य गर्दा निज संगठनको चुनाव चिन्ह मार्फत निर्वाचित व्यक्तिलाई संगठनले कारबाही गर्दा स्ववियुको निर्वाचित पद स्वतः रिक्त हुने गरि व्यवस्था गर्न लगायत त्रिभुवन विश्वविद्यालय परीक्षा नियन्त्रण कार्यालयको कार्यशैली सुधार गर्न समेत ध्यानाकर्षण गराएको छु।’

उनले यी त्रुटीहरू तत्काल सच्याउन माग गरे। स्ववियुले स्ववियु कोषको रकम चरम अनियमितता, दुरुपयोग गर्ने गरेको भन्दै स्ववियुको परिचालनको लागि छुट्टै स्ववियुकोष परिचालन कार्यविधि निर्माण गरी स्ववियु कोष दुरुपयोग हुनबाट जोगाउन पनि उनले माग गरेका छन्।

‘त्रिविकाको गैरजिम्मेवार परीक्षा नियन्त्रक लगायत क्षेपनिकाका पदाधिकारी विभिन्न क्याम्पसका क्याम्पस प्रमुख लगायत प्राध्यापकका कारण वर्षेनी विद्यार्थीले दुःख पाउने वर्ष लस हुने नामथर रजिस्ट्रेसन नम्बर बिगारीदिएर सच्याउने नाममा विद्यार्थीबाट शुल्क असुल गर्ने प्राक्टिकल नम्बर ठिक ढङ्गबाट नचढाउने र विद्यार्थीलाई दुःख दिने गरेको मा नेपालको भौगोलिक विकटतालाई मध्यनजर गर्दै संवेदनशील र जिम्मेवार बन्न अनुरोध छ,’उनको ध्यानाकर्षण पत्रमा उल्लेख छ। थाहा खबर

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…