बाणगंगामा नापतौल उपकरण चेकजाँच ः २ सय बढि ब्यवसायीले सेवा लिए

कपिलवस्तु उद्योग वाणिज्य संघको आयोजनामा नापतौल उपकरणहरूको चेकजाँच तथा नवीकरण कार्य सम्पन्न भएको छ ।

गुणस्तर तथा नापतौल कार्यालय बुटवलको प्राविधिक सहयोगमा संघले उक्त कार्य सम्पन्न गरेकोे हो । सो अवसरमा यस क्षेत्रका २१४ जना ब्यवसायीले नापतौल उपकरण चेकजाच तथा लाइसेन्स नविकरण गरेको कपिलवस्तु उद्योग बाणिज्य सघंका महासचिव नवदत्त घिमिरेले बताए ।

संघका अध्यक्ष गणेश बहादुर क्षेत्रीले व्यवसायीहरूलाई सजिलो हुने गरी गरिएको यस पहल उपभोक्ता अधिकार र व्यवसायी दुवैलाई लाभदायी हुने विश्वास व्यक्त गर्नुभयो छ ।

उहाँले संघले व्यवसायी हितका कार्यक्रमहरूलाई निरन्तरता दिने प्रतिबद्धता समेत जनाउनुभयो । “नापतौलमा शुद्धता र पारदर्शिता व्यवसायी मात्र होइन, उपभोक्ता अधिकारसँग पनि जोडिएको विषय हो । यसलाई व्यवस्थित र सहज बनाउन हामीले संघमै यो कार्यक्रम ल्याएका हौं । व्यवसायीहरूले आफ्नो उपकरण समयमै नविकरण गरी उपभोक्तामा विश्वासिलो सेवा दिनुपर्नेछ,” उहाँले भन्नुभयो ।

कार्यक्रममा गुणस्तर तथा नापतौल कार्यालय बुटवलका सहायक निरीक्षक गुरु प्रसाद पाख्रेलसहित पाँच सदस्यीय प्राविधिक टोली खटिएको थियो । वैखरी

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…