राजनीतिक दल र नागरिक समाज गम्भीर भएर देशका लागि सोच्नुपर्ने

काठमाडौँ : पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहालले देशका लागि सोच्नुपर्ने वेला भएको दावी गरेका छन्।

शुक्रवार ललितपुरस्थित एक होटलमा सम्पादकहरूसँगको कुराकानीमा उनले यस्तो दावी गरेका हुन्।

उनले राष्ट्रिय स्वाधीनतामा यति ठूलो विदेशी हस्तक्षेप अहिलेसम्म नभएको बताए। अहिले पनि राजनीतिक संकट कायम रहेको बताए। अहिलेको जस्तो ठूलो दबाब नेपालले भोग्नु नपरेको जिकिर गरे।

अहिलेको परिस्थितिले सबै राजनीतिक दल, नागरिक समाज मिलेर काम गर्नुपर्ने जरुरी देखिएको उल्लेख गरे। फेरि एकपटक अहिले सबै राजनीतिक दल र नागरिक समाज गम्भीर भएर देशका लागि सोच्नुपर्ने वेला भएको बताए।

उनले विगतको समीक्षा र आउने दिनका बाटोका बारेमा अधिकतम बहस र छलफल गरेर साझा निष्कर्ष निकाल्नुपर्ने जिकिर गरे। थाहा खबर