मुख्यमन्त्री सोनललाई प्रदेश प्रमुख सुमित्रा सुवेदीले शपथ ग्रहण

काठमाडौँ : मधेश प्रदेशको चौथो मुख्यमन्त्रीको रूपमा जितेन्द्र सोनलले पद तथा गोपनीयताको शपथ लिएका छन्।

मुख्यमन्त्री सोनललाई प्रदेश प्रमुख सुमित्रा सुवेदीले शपथ ग्रहण गराएकी हुन्। सोनलसँगै दुईजना विनाविभागीय मन्त्रीले समेत शपथ लिएका छन्। जनमत पार्टीबाट महेश यादव र नेकपा (एकीकृत समाजवादी) पार्टीबाट कनिश पटेलले विनाविभागीय मन्त्रीको रूपमा शपथ लिएका छन्।

सोनल बुधवार मधेशको चौथो मुख्यमन्त्रीको रूपमा नियुक्त भएका थिए। शपथ ग्रहणपछि सञ्चारकर्मीहरूसँग कुराकानी गर्दै नवनियुक्त मुख्यमन्त्री सोनलले आफू यो पदमा रमाइलो गर्न नआएको प्रतिक्रिया दिए।

मधेश प्रदेशका लागि र संघीय लोकतान्त्रिक गणतन्त्रात्मक व्यवस्था संस्थागत गर्न आफ्नो तहबाट हुनसक्ने प्रयास गर्ने प्रतिबद्धता व्यक्त गरे।

सोनलले आफू मन्त्री पदमा रहँदा समेत घण्टौँ काम गर्ने व्यक्ति रहेकाले अब मुख्यमन्त्रीको रूपमा जिम्मेवारी थप बढेकाले सो जिम्मेवारी वहन गर्ने बताए। जेनजी आन्दोलनबाट युवाहरूले उठाउँदै आएका माग र जनताको अपेक्षा पूरा गर्न प्रयास गर्ने प्रतिबद्धता व्यक्त गरे। थाहा खबर

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…