बिहान सवारी दुर्घटना हुँदा सात जना घाइते

रौतहट : यमुनामाई गाउँपालिका–४ अन्तर्गत चन्द्रनिगापुर–गौर सडकखण्डमा मंगलबार बिहान सवारी दुर्घटना हुँदा सात जना घाइते भएका छन्। दुर्घटनामा स्थानीय विजय साहको होटल पनि क्षतिग्रस्त भएको छ।

प्रहरी अनुसार बडहर्वातर्फबाट तीव्र गतिमा आउँदै गरेको एचआर–२८–डी–७२२२ नम्बरको स्कार्पियोले चन्द्रनिगापुरबाट गौरतर्फ जाँदै गरेको विआर–०७–पिए–७५८४ नम्बरको स्कार्पियोलाई ठक्कर दिएको थियो। ठक्करपछि सडक किनारमा रोकी राखिएको ना.२ ह–६५२५ नम्बरको अटोमा समेत असर पुगेको थियो।

घाइते हुनेमा पवन यादव (३०), अंकित महतो (११), सुरेन्द्र कुमार साह (२४), शिवजी साह (५०), मंगल पटेल (३९), र तारिक वस्ता (१०) रहेका छन्। सबैको अवस्था मध्यमदेखि सामान्य छ, र उपचार प्रादेशिक अस्पताल गौरमा भइरहेको छ।

प्रारम्भिक अनुसन्धान अनुसार तीव्र गति र लेन अनुशासन नमान्नु दुर्घटनाको मुख्य कारण हो। दुर्घटनापछि केहीबेर अवरुद्ध भएको सडक अहिले सुचारु भएको छ। थाहा खबर

थप सामाग्री

अमेरिकाको फ्लोरिडामा जेट दुर्घटना, नौजनाको मृत्यु

२०८३ कार्तिक १६, सोमबार ३:३४ गते

एजेन्सी काठमाडौंः अमेरिकाको फ्लोरिडास्थित आवासीय क्षेत्रमा आइतबार बिजनेस जेट दुर्घटनाग्रस्त हुँदा विमानमा सवार सबै नौजनाको मृत्यु भएको छ। अमेरिकी यातायात…