प्रहरी हेडक्वार्टरमा कोरोना: थप २३ जना संक्रमित

काठमाडौं । नेपाल प्रहरीका २३ जना प्रहरीमा कारोना संक्रमणको पुष्टी भएको छ । प्रहरी हेडक्वार्टरमा कार्यरत २३ जनामा कोरोना देखिएको हो । हेडक्वार्टरमा कार्यरत चार जनामा आइतबार कोरोना संक्रमण पुष्टि भएको थियो ।

उनीहरुको सम्पर्कमा आएकाहरुको परीक्षणका क्रममा थप २३ जनामा संक्रमण देखिएको नेपाल प्रहरीका प्रवक्ता निरजबहादुर शाहीले जानकारी दिनुभएको छ । संक्रमित हुनेहरुमा चालक, मेकानिक्स र मेसमा काम गर्नेलगायत छन् । उनिहरुलाई अब सशस्त्र प्रहरीको बलम्बु अस्पतालमा पठाउने तयारी भइरहेको उहाँले बताउनुभयो ।