बागलुङ पहिरोमा हराएका एकजना अझै फेला परेनन्

सुजन प्रेमी, बागलुङ । गत साउन १० गते बागलुङको रामरेखा पहिरोमा हराएका अझै भेटिएका छैनन् । बागलुङ बजारछेउमा सुख्खा पहिरो जाँदा बेपत्ता भएका ट्रिपर चालक निर्मल पुन अझै नभेटिएका हुन् ।

स्थानीयहरुको सकृयतामा प्रहरीले पटक–पटक खोजी गरे पनि अहिलेसम्म फेला पार्न नसकेको जिल्ला प्रहरी कार्यलय बागलुङ प्रहरी सहायक निरिक्षक टेकबहादुर क्षेत्रीले जानकारी दिनुभयो ।

“स्थानियहरुले त्यहाँबाट गन्ध आउन थालेको छ भन्न थाले, त्यसपछि पनि हामीले खोजी ग¥यौँ तर फेला पार्न सकिएन, पटक–पटकको खोजी असफल हुँदै आएको छ” उहाँले भन्नुभयो । प्रहरीले खोजीकार्य अझै जारी राखेको उहाँको भनाइ छ ।

पहिरो गएदेखि नै खोजी जारी राखे पनि निरन्तरको बर्षाले समस्या पार्दै आएको थियो । साउन ११ गते एक जनाको शव भेटिए पनि साँझामा पानी परेपछि प्रहरीले खोजीकार्य स्थगित गरेको थियो ।

साउन १० गते साँझ सडकमा बिछ्याउने कच्चापदार्थ निकाल्दै गर्दा बजार छेउ पुरानो ट्रायल सेन्टरस्थित निरयघाट जाने बाटोमा सुख्खा पहिरो जाँदा एउटा डोजर र ट्रिपर पुरिएको थियो भने ट्याक्टरलाई पहिरोले बगाएर कालीगण्डकी नदीको किनारमा पु¥याएको थियो ।

घटनापछि सोही दिन राति डोजर चालक राजु माझीे घाइते अवस्थामा सम्पर्कमा आएका थिए । भोलिपल्ट ट्याक्टर चालक रोशन नेपाली भनिने धनबहादुर किसानको शव भेटिएको थियो ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…