संसदमा आजदेखि दोस्राे डोजको खोप वितरण सुरु हुने

काठमाण्डौ – संघीय संसदका पदाधिकारी, सदस्य तथा कर्मचारीलाई आजदेखि कोरोनाविरुद्धको दोस्रो डोज दिन सुरु गरिने भएको छ ।

हिउँदे अधिवेशन सुरु हुनुभन्दा अघि कोभिसिल्डको पहिलो मात्रा लगाएकालाई आजदेखि दोस्रो मात्रा खोप लगाउन सुरु गरिने संसद सचिवालयले जनाएको छ । सचिवालयका अनुसार आज सभामुख, राष्ट्रिय सभाका अध्यक्ष तथा उपाध्यक्ष, संघीय संसदका दवै सदनका सदस्यहरुले खोप लगाउनेछन् ।

यस्तै उनीहरुका स्वकीय सचिवालयका कर्मचारी, अरु कर्मचारी, सुरक्षाकर्मीलगायतलाई पनि खोप दिइनेछ । यस्तै भोलि संघीय संसद सचिवालयका सबै कर्मचारी र संघीय संसद भवन बानेश्वरका कर्मचारीलाई खोप लगाइने भएको छ । यस्तै पर्सि आइतबार स्वकीय सचिवालयका सबै कर्मचारी, मर्यादापालक, सुरक्षाकर्मी, सञ्चारकर्मी र छुटेका अरु व्यक्तिलाई खोप लगाइने सचिवालयले जनाएको छ ।

गएको फागुन १९, २० र २१ गते कोरोनाविरुद्धको पहिलो मात्राको खोप दिइएको थियो ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…