जसपा संसदीय दलको बैठक चल्दै, भट्टराई-यादव पक्ष अनुपस्थित

काठमाण्डाै – जनता समाजवादी पार्टी (जसपा) नेपालको संसदीय दलको बैठक बसिरहेको छ ।

सिंहदरबारमा रहेको संसदीय दलको कार्यालयमा चलिरहेको बैठकमा अध्यक्ष महन्थ ठाकुर र नेता राजेन्द्र महतो पक्षका सांसद मात्रै उपस्थित छन् ।

बैठकले नयाँ सरकार गठनको बारेमा निर्णय गर्ने सम्भावना छ । प्रधानमन्त्रीको रुपमा केपी शर्मा ओलीलाई नै समर्थन गर्ने या आफ्नो नेतृत्वमा सरकार गठन गर्ने भन्ने अन्योलमा रहेको जसपाको संसदीय दलको बैठकले खास निर्णय गर्ने सम्भावना छ । तर बैठकबारे आफूहरुलाई थाहा नै नभएको बाबुराम भट्टराई र उपेन्द्र यादव पक्षका सांसदको भनाइ छ ।

जसपामा संसदीय दलको नेता चुन्ने विधान नै नबनिसकेको अवस्था ठाकुर-महतो पक्षले राजेन्द्र महतोलाई संसदीय दलको नेता चयन गरेको थियो । जसपासँग ३२ जना सांसद रहेका छन् ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…