‘भारतमा भेटिएको डेल्टा भेरियन्ट ४० प्रतिशत बढी संक्रामक’

काठमाडौं । बेलायती स्वास्थ्यमन्त्री म्याट हेनककले कोरोना भाइरस (कोभिड-१९) को भारतमा भेटिएको डेल्टा भेरियन्ट ४० प्रतिशत बढी संक्रामक रहेको बताएका छन् ।

आइतबार एक अन्तर्वार्तामा बोल्दै हेनककले कोरोनाको भेरियन्टको कारण बेलायतमा लकडाउन हटाउने निर्णयमा असर पर्न सक्ने बताएका हुन् । बेलायत जुन २१ बाट लकडाउन हटाउने योजनामा छ ।

हेनककले कोरोना विरुद्धको दुवै डोज खोपले भेरियन्टको संक्रमणलाई नियन्त्रण गर्न सक्ने विश्वास व्यक्त गरे । कोरोनाको भेरियन्ट धेरै संक्रामक देखिएकाले यसले सबैलाई जोखिममा पारेको हेनककको भनाइ छ ।

हेनककले यसै सातादेखि बेलायतमा ३० वर्षभन्दा कम उमेरका मानिसलाई पनि कोरोना खोप लगाइने बताए । बेलायतमा १२ देखि १५ वर्ष उमेर समुहका बालबालिकालाई पनि कोरोना खोप लगाउन अनुमति दिइएको छ ।

बेलायती स्वास्थ्यमन्त्री हेनककले कोरोना खोप एक डोजमात्र लिने मानिस पनि सुरक्षित नरहेको बताएका छन् । ‘सबै मानिसले कोरोनाको दोस्रो डोज पनि लिनुपर्छ किनकी पहिलो डोज आफैंमा त्यति प्रभावकारी देखिएको छैन’, उनले भने ‘हामी सबैले कोरोनाविरुद्धको खोप लिनुपर्छ र यसो गर्दा हामीले संक्रमित हुने र अस्पतालमा भर्ना हुनेको संख्यालाई घटाउन सक्छौं ।’

एजेन्सीहरुको सहयोगमा

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…