अस्ट्रेलियासँगकाे खेलमा बाँकी युवा खेलाडीले पनि अवसर पाउन सक्छन् : प्रशिक्षक अलमुताइरी

काठमाण्डाै – नेपाली राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरीले अस्ट्रेलियासँगको खेलमा बाँकी युवा खेलाडीले पनि अवसर पाउन सक्ने सङ्केत गर्नुभएकाे छ ।

विश्व कप छनोट अन्तर्गत भोलि अस्ट्रेलियासँग हुने खेलको बारेमा जानकारी दिन भएको पत्रकार सम्मेलनमा मुख्य प्रशिक्षक अलमुताइरीले यसअघिका खेलमा अवसर नपाएका युवा खेलाडीले पनि अवसर पाउन सक्ने बताउनुभएकाे हाे ।

अस्ट्रेलियासँगको खेल गाह्रो भए पनि नेपालले सकभर राम्रो खेल्ने र समर्थकलाई खुसी दिन प्रयास गर्ने प्रशिक्षक अलमुताइरीकाे भनाइ छ । नेपाली टोलीको खेल्ने शैली सुधार भएको पनि उहाँकाे दाबी छ ।

पत्रकार सम्मेलमा अस्ट्रेलियाका प्रशिक्षक ग्राहम अर्नोल्डले नेपाल एक मेहनती टीम भएको र नेपालसँगको खेललाई लिएर आफूहरू उत्साहित रहेको बताउनुभएकाे छ । उहाँले नेपाली खेलाडी र प्रशिक्षकले राम्रो गरिरहेको र नेपालको खेल्ने शैलीलाई सम्मान गर्ने पनि बताउनुभयाे ।

विश्व कप छनोट अन्तर्गत अन्तिम खेलमा भोलि नेपालले कुवेतमा अस्ट्रेलियासँग खेल्न लागेकाे हाे ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…