जसपाले डाक्यो पहिलो केन्द्रीय कमिटी बैठक

काठमाडौं, साउन २५। जनता समाजवादी पार्टी (जसपा) ले पहिलोपटक केन्द्रीय कमिटी बैठक डाकेको छ । जसपाले भदौ १ र २ गते केन्द्रीय पार्टी कार्यालय बालकुमारी बैठक डाकेको हो । बैठकलाई महन्थ ठाकुर पक्षका केन्द्रीय सदस्यलाई हटाउने तयारीको रुपमा बुझिएको छ ।

पछिल्लो समय निर्वाचन आयोगले जसपाको उपेन्द्र यादव पक्षलाई पार्टीको आधिकारिकता दिएको छ । आधिकारिकता दाबी गर्दै महन्थ ठाकुर पक्ष अदालत गएको थियो । सर्वोच्च अदालतले छलफलका लागि दुवै पक्षलाई बोलाएको छ ।

राजपा र जमाजवादी पार्टी मिलेर जसपा नेपाल बनेपछि दुवै पार्टीबाट ४–४ सय जनालाई केन्द्रीय सदस्य बनाउने सहमति भएको थियो ।