निर्वाचन आयोगले एमाले र जसपालाई सनाखतको निम्ति बोलाएको सुन्दा खुसी लाग्यो : कमल थापा

काठमाडौं, ८ भदौ । राष्ट्रिय प्रजातन्त्र पार्टीका अध्यक्ष तथा पूर्व उपप्रधानमन्त्री कमल थापाले एमाले र जसपा विभाजन क्रममा निर्वाचन आयोगले सनाखतको निम्ति बोलाएको सुन्दा खुसी लागेको बताएका छन् । सामाजिक सञ्जाल ट्वीटरमा लेख्दै थापाले यस्तो भनेका हुन् ।

साथै, २०७४ सालमा प्रचण्ड र देउवाजीको दबावमा तत्कालिन् प्रमुख निर्वाचन आयुक्त अयोधीप्रसाद यादव नेतृत्वको निर्वाचन आयोगले विना सनाखत (पर्याप्त प्रमाण विना) राप्रपालाई फुटाई दिएको आरोप लगाउदै थापाले अहिले आफुहरु एक भएको र अब कहिल्यै नफुट्ने बताएका छन् ।

उनि लेख्छन्,“एमाले र जसपा विभाजन क्रममा निर्वाचन आयोगले सनाखतको निम्ति बोलाएको सुन्दा खुसी लाग्यो । ७४ सालमा प्रचण्ड र देउवाजीको दवावमा अयोधीप्रसाद नेतृत्वको निर्वाचन आयोगले विना सनाखत÷पर्याप्त प्रमाण विना राप्रपालाई फुटाई दिएको घटना सम्झिँरहेछु । तथापि हामी अहिले एक भएकाछौँ, कहिल्यै नफुट्ने गरी”।

थप सामाग्री

६० घण्टापछि माटोमुनिबाट जीवित भेटिइन् ६ वर्षीया मनिषा

भदौ १३, २०८३

रसुवा । भोटेकोसी बाढीमा बेपत्ता भएकी रसुवाको गोसाईकुण्ड गाउँपालिका–२, टिमुरेकी ६ वर्षीया बालिका मनिषा मगरलाई करिब ६० घण्टापछि जीवितै उद्धार गरिएको छ।…