इकार्डीले इन्जुरी टाइममा गोल गरेपछि पीएसजीको पुनरागमन जित

काठमाडौं । माउरो इकार्डीले इन्जुरी टाइममा गोल गरेपछि पेरिस सेन्ट जर्मेन (पीएसजी) ले फ्रेन्च लिग वानमा लियोनलाई २-१ ले पराजित गरेको छ ।

आइतबार राति भएको खेलमा पीएसजीले एक गोलले पछि परेको स्थिति उल्टाउादै जित हात पारेको हो ।

पीएसजीको घरेलु मैदानमा पार्क डे प्रिन्समा लुकास पाक्वेटाले ५४औं मिनेटमा गोल गर्दै लियोनलाई अग्रता दिलाएका थिए । तर ६६औं मिनेटमा नेमारले पेनाल्टीमार्फत पीएसजीका लागि बराबरी गोल गरे ।

बराबरीतर्फ अग्रसर भएको खेलमा इकार्डीले इन्जुरी टाइमको तेस्रो मिनेट किलिएन एमबाप्पेको पासमा निर्णायक गोल गर्दै पीएसजीलाई तीन अंक दिलाए ।

जितपछि शीर्ष स्थानको पीएसजीले ६ खेलबाट १८ अंक जोडेको छ । एक खेल कम खेलेको मार्से १३ अंकसहित दोस्रो स्थानमा छ ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…