एम्बाप्पेको ह्याट्रिकमा फ्रान्स विश्वकपमा छनोट

काठमाडौं : आगामी वर्ष कतारमा हुने विश्वकप फुटबलमा साविक च्याम्पियन फ्रान्सले स्थान बनाएको छ।

शनिबार भएको खेलमा फ्रान्सले काजकस्तानमाथि ८-० को फराकिलो जित निकाल्ने क्रममा फ्रान्सका युवा स्टार केलियन एमबाप्पे ह्याट्रिकसहित चार गोल गरे। त्यस्तै करिम बेन्जेमाको दुई गोल गर्दा एड्रिएन राविओट र एन्टोइन ग्रिजमनको नाममा पनि १-१ गोल रह्यो।

घरेलु मैदानमा फ्रान्सले काजकस्तानमाथि गोल वर्षा गरेपछि एक खेल बाँकी छँदै विश्वकपमा स्थान पक्का गर्‍यो। विश्व विजेता फ्रान्स विश्वकपमा स्थान बनाउने चौथो टोली हो। यसअघि जर्मनी, डेनमार्क र ब्राजिलले विश्वकपमा स्थान बनाइसकेको छन्। आयोजकको हैसियतमा कतार पनि छनोट भइसकेको छ।

काजकस्तानमानि रवाफिलो जित निकाल्ने क्रममा एमबाप्पेले पहिलो हाफको ३२ औं मिनेटभित्रै ह्याट्रिक पुरा गरेका थिए। छैठौं मिनेटमा पहिलो गोल गरेका उनले १२ र ३२ मिनेटमा थप गोल गर्दै ह्याट्रिक पुरा गरे। पहिलो हाफमा तीन गोल गरेको फ्रान्सले दोस्रो हाफमा थप ५ गोल गर्‍यो।

समूहको अर्को खेलमा फिनल्यान्डले बोस्निया एन्ड हर्जगोभिनालाई ३–१ ले पराजित गर्दै विश्वकपमा छनोट हुने सम्भावना जीवितै राखेको छ। १० खेलाडीमा समेटिएको फिनल्यान्डको जितमा मार्कुस फोर्स, रोविन लोड र ड्यानियलले गोल गरे।

बोस्नियाका लुका मिनालोको गोल सान्त्वना बन्यो। जितपछि फिनल्यान्ड ७ खेलबाट ११ अंक जोडेर दोस्रो स्थानमा रहेको छ। बोस्निया ७ अंक जोडेर चौथो स्थानमा रहँदा युक्रेनको ९ अंक छ।

छनोटको अन्तिम खेलमा फिनल्यान्डले फ्रान्ससँग खेल्दैछ। युक्रेनले बोस्नियासँग खेल्दैछ। यो खेलबाट प्ले अफ पुग्ने टोलीको पनि टुंगो लाग्नेछ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…