अस्थायी रुपमै भए पनि मेलम्चीकाे पानी काठमाण्डाैवासीकाे घरघरमा पुर्‍याउने मन्त्री चाैधरीकाे प्रतिबद्धता

काठमाण्डाै – खानेपानीमन्त्री उमाकान्त चौधरीले काठमाण्डौवासीलाई छिटोभन्दा छिटो मेलम्ची खानेपानीको व्यवस्था गर्ने प्रतिबद्धता व्यक्त गर्नु भएको छ । मन्त्री चौधरीले केही समयअघि आएको बाढी र पहिरोको कारणले गर्दा बन्द भएको मेलम्चीको पानी काठमाण्डौवासीलाई अस्थायी रुपमा भए पनि छिटोभन्दा छिटो खान पाउने व्यवस्था मिलाउने बताउनु भएको हो ।

शनिबार काठमाण्डौमा आयोजित एक कार्यक्रममा बोल्दै उहाँले संविधानमा शुद्ध खानेपानी र सरसफाईलाई मौलिक हकको रुपमा व्यवस्था गरेको उल्लेख गर्दै आफ्नो कार्यकाल भित्रै काठमाण्डौबासीका लागि मेलम्ची खानेपानीको व्यवस्था गर्ने बताउनु भयो ।

‘काठमाण्डौवासीलाई यतिमात्रै म भन्न चाहन्छु कि, मेरो कार्यकालमा चाँडोभन्दा चाँडो मेलम्ची खानेपानी स्थायी त होइन् तत्काल अस्थायी भए पनि तुरुन्तै आफ्नै कार्यकालमा काठमाण्डौवासीलाई खुवाउँछु भन्ने प्रतिबद्धता म व्यक्त गर्न चाहन्छु’ मन्त्री चौंधरीले भन्नुभयो, ‘आउँदो दिनमा मेलम्चीको खानेपानी तपाईहरुले अवश्य मेरै कार्यकालमा खान पाउनु हुनेछ भन्ने विश्वास दिलाउन चाहन्छु ।’

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…