पृथ्वीनारायण शाहको ३००औँ जन्मजयन्ती कपिलवस्तु राष्ट्रनिर्माता पृथ्वीनारायण शाहको जन्मजयन्ती

कृष्णनगर । कृष्णनगरमा राप्रपाले विविध कार्यक्रम आयोजना गरी मनाएकाे छ । जिल्लाकाे कृष्णनगर गाेलघरमा राप्रपा नेपालका नगर अध्यक्ष जय प्रकाश गुप्ताकाे अध्यक्षता तथा केन्द्रीय सदस्य श्याम कुमार मिश्रकाे अगुवाइमा भव्यताका साथ पृथ्वी जयन्ती मनाईएकाे छ । कार्यक्रममा वक्ताहरुले नेपाललाई राजा सहितकाे हिन्दु राष्ट्र बनाउन सम्पूर्ण नेपालीले संघर्ष गर्नुपर्ने बताएका छन ।

विसं १७७९ पुस २७ गते गोरखामा राजा नरभूपाल शाह र रानी कौशल्यावतीका कोखबाट पृथ्वीनारायण शाहको जन्म भएको थियो । विसं १७९९ चैत २५ गते पृथ्वीनारायण राजा भएका थिए । त्यसअघि नेपाल ५२ राज्यमा विभाजित थियो । पृथ्वीनारायण राजा भएपछि पूर्वमा टिस्टादेखि पश्चिममा चेपे नदीसम्म नेपालको सीमा विस्तार गर्न उनी सफल भएका थिए ।

पृथ्वीनारायणको शेषपछि उनका उत्तराधिकारीले पश्चिममा किल्ला काँगडासम्म नेपाल राज्यलाई विस्तार गरेको इतिहास छ । पृथ्वीनारायण शाहले विसं १८०१ मा नुवाकोट विजय गरे । त्यसको २५ वर्षपछि १८२६ सालमा काठमाडौं उपत्यका विजय हासिल गरेका थिए । नेपाल उपत्यका विजय गरेपछि पृथ्वीनारायण शाहले पूर्वतिरका चौदण्डी विजयपुर आदि विजय गर्दै देशको सिमाना बढाएका थिए ।

सबै जातजाति, भाषाभाषीको सहयोग लिएर नेपाल एकीकरणको श्रीगणेश गरेका पृथ्वीनारायण शाहको सम्झनामा आज देशभर विभिन्न कार्यक्रम गरी ३००औँ जन्मजयन्ती मनाइँदैछ ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…