विजयनगरमा १ करोड ५० लाखको लागतमा अद्वैतमतको सभा हलको शिलान्यास

घनश्याम भर, विजयनगर ।
कपिलवस्तुको विजयनगर गाउँपालिकामा परम हंस अद्वैतमत आश्रमको सभा हलको शिलान्यास गरिएको छ । गाउँपालिका अध्यक्ष गोपाल बहादुर थापा र आश्रमका महात्माले उक्त आश्रमको हल शनिबार संयुक्त रुपमा शिलान्यास गर्नुभएको हो ।

गाउँपालिकाको वडा नम्बर ७ मधुनगरमा परम हंस अद्वैतमतको आश्रमको सभा हलको निमार्ण हुन लागेकोे वडा अध्यक्ष दिनेश कुमार चौधरीले जानकारी दिनुभएको छ ।

गाउँपालिका अध्यक्ष गोपाल बहादुर थापाले गाउँपालिकाको १ करोड ५० लाख रुपैयाँको लगानीमा अद्वैतमत आश्रमको सभा हलको निर्माण गरिने बताउनुभयो । उहाँले हलमा ५ सय जनाले सहभागी हुन मिल्ने गरि हलको निर्माण गरिने बताउनुभयो । अध्यक्ष थापाले भक्तजनलाई भजन अभ्यासमा सहज हुने बताउनुभयो ।

हाल आश्रमको हल ९७ लाखको ठेक्का भएको प्राविधिक नवीन डुम्रेले बताउनुभयो । आगामी असार समान्तभित्रै हलको निर्माण कार्य सम्पन्न हुने डुम्रेले बताउनुभयो । कार्यक्रममा गाउँपालिकाकी उपाध्यक्ष लक्ष्मी कुमारी चौधरी लगायत भक्तजनहरुको उपस्थिति रहेको जनाइएको छ ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…